| गोगटे जोगळेकर महाविद्यालय (स्वायत्त) रत्नागिरीची कु. श्रुती रामचंद्र चव्हाण या विद्यार्थिनीची अखिल भारतीय आंतर विद्यापीठ महिला तायकवाँदो स्पर्धा २०२४ करिता मुंबई विद्यापीठ महिला तायकवाँदो संघात निवड झाली आहे. दि. ८ ते ११ ऑक्टोबर २०२४ रोजी अखिल भारतीय आंतर विद्यापीठ महिला तायकवाँदो स्पर्धे मध्ये सहभागी होण्यासाठी मुंबई विद्यापीठ महिला तायकवाँदो संघ निवड चाचणी खालसा महाविद्यालय मुंबई येथे घेण्यात आली होती.दि. १२ ते १५ नोहेंबर २०२४ रोजी गुरुनानक देव विद्यापीठ, अमृतसर, पंजाब येथे होणाऱ्या अखिल भारतीय आंतर विद्यापीठ राष्ट्रीय महिला तायकवाँदो स्पर्धे करिता कुमारी श्रुति रामचंद्र चव्हाण(एस.वाय.बी.ए.) या विद्यार्थिनीची मुंबई विद्यापीठ महिला तायकवाँदो संघात निवड झाली आहे.
श्रुति रामचंद्र चव्हाण या विद्यार्थिनीला महाविद्यालयाचे क्रीडा संचालक डॉ विनोद शिंदे; प्रशिक्षक श्री. शाहरूख शेख यांचे मार्गदर्शन लाभले तर जिल्हा तायकवाँदो असोशिएशनचे सहकार्य लाभले. संस्था आणि महाविद्यालय स्तरावर तिच्या निवडीबद्दल सर्वत्र अभिनंदन होत आहे. |
 |