दि. २७ डिसेंबर २०२३ ते ६ जानेवारी २०२४ रोजी मुंबई विद्यापीठ, कोंकण विभाग आणि स. का. पाटील महाविद्यालय, मालवण यांच्या संयुक्त विद्यमाने कोंकण विभाग पुरुष क्रिकेट २०२३-२४. स्पर्धेचे आयोजन व क्रिकेट संघ निवड चाचणी घेण्यात आली होती. या कोंकण विभाग पुरुष क्रिकेट संघात गोगटे जोगळेकर महाविद्यालयाच्या कु पार्थ गांधी (F.Y.BA) व कु.अथर्व चवंडे (S.Y.BCom) या विद्यार्थ्यांची निवड झाली आहे.
हे विद्यार्थी अखिल भारतीय आंतर विद्यापीठ क्रिकेट स्पर्धेत सहभागी होण्याकरिता दि. ४ ते ७ फेब्रुवारी २०२४ रोजी डी. जी. रुपारेल महाविद्यालय, माहिम आणि कालिना स्पोर्ट्स कॅम्पस, सांताक्रूझ, मुंबई येथे होणाऱ्या मुंबई विद्यापीठ पुरुष क्रिकेट स्पर्धा आणि विद्यापीठ क्रिकेट संघ निवड चाचणी करिता सहभागी होत आहेत.
मुंबई विद्यापीठ आंतर महाविद्यालयीन पुरुष क्रिकेट स्पर्धा आणि अखिल भारतीय आंतर विद्यापीठ स्पर्धेत सहभागी होण्यासाठी मुंबई विद्यापीठ क्रिकेट संघ निवड चाचणी करिता कु. पार्थ गांधी कु. अथर्व चवंडे या विद्यार्थ्यांना त्यांच्या पुढील यशस्वी वाटचालीसाठी र. ए. सोसायटीच्या कार्याध्यक्षा श्रीम. शिल्पाताई पटवर्धन, सचिव सतीशजी शेवडे, जिमखाना कमिटी अध्यक्ष डॉ. चंद्रशेखर केळकर, महाविद्यालयाचे प्राचार्य डॉ. मकरंद साखळकर, प्रशासकीय उपप्राचार्य डॉ. पी. पी. कुलकर्णी, तीनही विभागांचे उपप्राचार्य, जिमखाना कमिटीचे उपाध्यक्ष डॉ. विवेक भिडे, क्रीडा संचालक डॉ. विनोद शिंदे, सर्व सहकारी प्राध्यापक कर्मचारी, सेवक वर्गाने शुभेच्छा दिल्या.
