| दि. ३० नोव्हेंबर ते दि. १० डिसेंबर २०२४ रोजी मुंबई विद्यापीठ, मरीन लाईन स्पोर्ट्स पेवेलियन येथे मुंबई विद्यापीठ पुरुष व्हॉलीबॉल संघ निवड चाचणीचे आयोजन करण्यात आले होते. या व्हॉलीबॉल संघ निवड चाचणीमधून स्वामी रामानंद तीर्थ मराठवाडा विद्यापीठ, नांदेड येथे दि. १४ ते १८ डिसेंबर २०२४ रोजी होणाऱ्या पश्चिम विभागीय आंतर विद्यापीठ व्हॉलीबॉल राष्ट्रीय स्पर्धेकरिता मुंबई विद्यापीठ पुरुष व्हॉलीबॉल संघात गोगटे जोगळेकर महाविद्यालयाच्या (स्वायत्त) कु. वरुण वारसे (प्रथम वर्ष कला) या विद्यार्थ्याची निवड झाली आहे. कु. वरुण वारसे या विद्यार्थ्याला महाविद्यालयाचे क्रीडा संचालक डॉ. विनोद शिंदे, प्रा. कल्पेश बोटके, श्री. मिनार कुरटे यांचे मार्गदर्शन लाभले.
पश्चिम विभागीय आंतरविद्यापीठ राष्ट्रीय व्हॉलीबॉल स्पर्धेकरिता मुंबई विद्यापीठ पुरुष व्हॉलीबॉल संघात निवड झालेल्या कु. वरुण वारसे या विद्यार्थ्याला र. ए. सोसायटीच्या कार्याध्यक्षा श्रीम. शिल्पताई पटवर्धन, कार्यवाह श्री. सतीशजी शेवडे, जिमखाना समितीचे अध्यक्ष डॉ. चंद्रशेखर केळकर, संस्थेचे सर्व सन्माननीय सदस्य तसेच गोगटे जोगळेकर महाविद्यालयाचे (स्वायत्त) प्राचार्य डॉ. मकरंद साखळकर, तीनही शाखांचे उपप्राचार्य, जिमखाना कमिटीचे उपाध्यक्ष क्रीडा संचालक डॉ. विनोद शिंदे, डॉ. विवेक भिडे, क्रीडा शिक्षक प्रा. कल्पेश बोटके सर्व प्राध्यापक सहकारी, कर्मचारी, सेवक यांनी अभिनंदन केले आणि पुढील स्पर्धेच्या यशस्वी वाटचालीसाठी शुभेच्छा दिल्या. |
 |