गोगटे जोगळेकर महाविद्यालय (स्वायत्त), रत्नागिरी येथील गणित विभागाच्यावतीने पीएम-उषा अंतर्गत राबविण्यात आलेल्या ३० तासांच्या ‘वैदिक गणित’ या ‘स्कील एनहान्समेंट कोर्स’च्या प्रमाणपत्र वितरणाचा कार्यक्रम दि. ९ मार्च २०२६ रोजी संपन्न झाला. या कार्यक्रमाला परीक्षा नियंत्रक डॉ. विवेक भिडे, स्कील एनहान्समेंट कोर्सच्या समन्वयक डॉ. चित्रा गोस्वामी आणि प्रमाणपत्र अभ्यासाक्रमच्या समन्वयक डॉ. यास्मिन आवटे उपस्थित होत्या.
या कार्यक्रमाचे प्रास्ताविक गणित विभागातील या कोर्सच्या विभाग स्तरावरील समन्वयक प्रा. उमा जोशी यांनी केले. त्यात त्यांनी वैदिक गणिताचे महत्त्व आणि उपयुक्तता सांगितली तसेच गणित विभागप्रमुख डॉ. दिवाकर करवंजे यांनी विद्यार्थ्यांना या कोर्सची स्पर्धा परीक्षेतली उपयुक्तता समजावून सांगितली. या प्रसंगी डॉ. विवेक भिडे, डॉ. यास्मिन आवटे आणि डॉ. चित्रा गोस्वामी यांनीही विद्यार्थ्यांना संबोधित केले. डॉ. यास्मिन आवटे यांनी प्रयत्न आणि सराव यावर विद्यार्थ्यांनी भर द्यावा असे सांगितले. डॉ. विवेक भिडे यांनी नवीन स्किल्स शिकताना जुनी विसरू नये असा सल्ला मुलांना दिला तर डॉ. चित्रा गोस्वामी यांनी आपल्या देशातील प्राचीन व अर्वाचीन अशा विविध ज्ञान शाखांचा आढावा घेऊन वेगवेगळे ज्ञान मुलांनी अर्जीत करावे असे सांगितले.
गणित विभागाने हा अभ्यासक्रम ऑनलाईन पद्धतीने घेतला. यात डॉ. राजीव सप्रे, डॉ. रंजन खातू, प्रा. देवेश जोग, प्रा. ओंकार तेंडोलकर आणि प्रा. प्रीती भिडे यांनी मुलांना मार्गदर्शन केले. हा प्रमाणपत्र अभ्यासक्रम ३८ विद्यार्थ्यांनी यशस्वीपणे पूर्ण केला.
 |