गोगटे जोगळेकर महाविद्यालय (स्वायत्त), संगणकशास्त्र विभागातील द्वितीय वर्ष बी.एस्सी. विद्यार्थी हर्षद कोरगावकर याने पुन्हा एकदा आपल्या प्रतिभेची चमक दाखवली आहे. त्यांनी “SETSIPC 2K25” प्रकल्प सादरीकरण स्पर्धेत प्रथम पारितोषिक मिळवले, सदर स्पर्धा संत राऊळ महाराज महाविद्यालय, कुडाळ येथे आयोजित करण्यात आली होती.
हर्षद याच्या “स्मार्ट होम ऑटोमेशन सिस्टम” हा नाविन्यपूर्ण प्रकल्प परीक्षक आणि प्रेक्षकांना विशेषतः प्रभावित करणारा ठरला. त्याबद्दल त्यांना ट्रॉफी आणि ₹३,००० रोख पारितोषिक प्रदान करण्यात आले. ही स्पर्धा के.एम.एस.पी. मंडळाच्या संत रावळ महाराज महाविद्यालयाच्या माहिती तंत्रज्ञान विभागाने आयोजित केली होती, आणि त्यामध्ये विविध महाविद्यालयांतील प्रतिभावान विद्यार्थ्यांनी सहभाग घेतला होता. ही उल्लेखनीय विजयगाथा हर्षदसाठी आणखी एक महत्त्वाचा टप्पा आहे, विशेषतः सावंतवाडी महाविद्यालयाच्या स्पर्धेतील यशानंतर. त्यांची निष्ठा, तांत्रिक कौशल्ये आणि नाविन्यपूर्ण दृष्टिकोन महाविद्यालयाचा नावलौकिक वाढवत आहेत.
स्पर्धेतील यशाबद्दल गोगटे जोगळेकर महाविद्यालयाचे प्राचार्य डॉ. मकरंद साखळकर, विज्ञान विभागाच्या उपप्राचार्य डॉ. अपर्णा कुलकर्णी, आयटी व संगणकशास्त्र विभागाच्या समन्वयक प्रा. अनुजा घारपुरे मॅडम यांनी हर्षदचे अभिनंदन केले व त्याच्या मेहनतीचे कौतुक केले.
संगणकशास्त्र विभागाचे प्रमुख श्री. अमोल सहस्रबुद्धे, तसेच प्राध्यापक श्री. सनिल सावले आणि श्री. प्रशांत लोंढे यांनी हर्षदच्या मार्गदर्शनासाठी विशेष मेहनत घेतली. त्यांच्या परिश्रमामुळेच या स्पर्धेचे यश संपादन झाले. हर्षद कोरगावकर याने पुन्हा एकदा गोगटे जोगळेकर महाविद्यालयाचा सन्मान वाढवला आहे.
 |
 |