लांजा येथील आर्ट्स, सायन्स, कॉमर्स महाविद्यालय येथे मुंबई विद्यापीठ महिला क्रॉस कंट्री १० कि. मी. धावणे स्पर्धा घेण्यात आली होती. या स्पर्धेत श्रुति हिला रौप्य पदक प्राप्त झाले होते. या मुंबई विद्यापीठ महिला क्रॉस कंट्री स्पर्धे मधून आपल्या महाविद्यालयातील कु. श्रुति संजय दुर्गवळी द्वितीय वर्ष कला या विद्यार्थिनीची स्वामी रामानंद तीर्थ मराठवाडा युनिव्हर्सिटी, नांदेड येथे होणाऱ्या अखील भारतीय आंतर विद्यापीठ राष्ट्रीय महिला क्रॉस कंट्री स्पर्धे करिता मुंबई विद्यापीठ महिला क्रॉस कंट्री संघात निवड झाली आहे.
अखिल भारतीय आंतर विद्यापीठ राष्ट्रीय महिला क्रॉस कंट्री स्पर्धेत सहभागी होण्यासाठी व राष्ट्रीय स्तरावर मुंबई विद्यापीठ महिला क्रॉस संघातून महाविद्यालयाचे प्रतिनिधित्व करणाऱ्या कु. श्रुति संजय दुर्गवळी या विद्यार्थिनीला तिच्या पुढील यशस्वी वाटचालीसाठी र. ए. सोसायटीच्या कार्याध्यक्षा श्रीम. शिल्पाताई पटवर्धन, सचिव सतीशजी शेवडे, जिमखाना समिती अध्यक्ष. डॉ. चंद्रशेखर केळकर, महाविद्यालयाचे प्राचार्य डॉ. मकरंद साखळकर, प्रशासकीय उपप्राचार्य डॉ. पी पी कुलकर्णी, तीनही विभागांचे उपप्राचार्य, जिमखाना समितीचे उपाध्यक्ष डॉ. विवेक भिडे, क्रीडा संचालक डॉ. विनोद शिंदे, सर्व सहकारी प्राध्यापक कर्मचारी, सेवक वर्गाने शुभेच्छा दिल्या.