राजीव गांधी विज्ञान तंत्रज्ञान आयोगाच्या सहकार्याने, मराठी विज्ञान परिषद मुंबई आणि गोगटे जोगळेकर महाविद्यालयाचा गणित विभाग यांच्या संयुक्तविद्यमाने दि. १७ आणि दि. ३१ जानेवारी २०२२ रोजी रा. भा. शिर्के प्रशाला येथे रत्नागिरीतील माध्यमिक शिष्यवृत्तीच्या विद्यार्थ्यांकरिता दोन दिवसीय गणित कार्यशाळेचे आयोजन करण्यात आले होते.
या कार्यशाळेच्या उद्घाटनप्रसंगी रा. भा. शिर्के प्रशालेच्या मुख्याध्यापिका सौ. गुळवणी उपस्थित होत्या. या कार्यशाळेला महाविद्यालयाच्या गणित विभागातील प्रा. श्रद्धा सुर्वे व्याख्यात्या म्हणून लाभल्या होत्या. दोन दिवस चालेल्या या कार्यशाळेत माध्यमिक शिष्यवृत्तीला सामोरे जाताना तयारी कशी आणि काय करावी याचे सोप्प्या आणि रंजक पद्धतीने व्याख्यात्यांनी विदयार्थ्यांना मार्गदर्शन केले.
रा. भा. शिर्के प्रशालेच्या माध्यमिक शिष्यवृत्तीला बसलेल्या विद्यार्थ्यांनी या कार्यशाळेचा लाभ घेतला. कार्यशाळेच्या आयोजनासाठी मराठी विज्ञान परिषदेचे समन्वयक डॉ. उमेश संकपाळ आणि गणित विभाग प्रमुख प्रा. दिवाकर करवंजे यांनी विशेष प्रयत्न घेतले. महाविद्यालायचे प्र. प्राचार्य डॉ. प्रफुल्लदत्त कुलकर्णी यांनी सदर कार्यशाळा यशस्विरित्या पार पाडल्याबद्दल आयोजकांचे आणि सहभागी विद्यार्थ्यांचे कौतुक केले.