दि. ११ आणि १२ नोव्हेंबर २०२५ रोजी गोगटे जोगळेकर महाविद्यालयात राष्ट्रीय पात्रता चाचणी परीक्षा आणि राज्य पात्रता चाचणी परीक्षेसासाठी तयारी आणि सराव करण्यासाठी गोगटे जोगळेकर महाविद्यालयाच्या कलाशाखा आणि रत्नागिरी एज्युकेशन सोसायटीच्या अरुअप्पा जोशी स्पर्धा परीक्षा प्रशिक्षण अकादमी यांच्या संयुक्त विद्यमाने कार्यशाळेचे आयोजन यशस्वी करण्यात आले.
रत्नागिरी एज्युकेशन सोसायटीच्या अरुअप्पा जोशी स्पर्धा परीक्षा अकादमीतील मार्गदर्शक श्री. तेजस कळंबटे आणि श्रीम. अपूर्वा राणे यांनी विद्यार्थ्यांना मार्गदर्शन केले.या कार्यशाळेत पदव्युत्तर स्तरावरील भाषा आणि सामाजिक शास्त्राचे विद्यार्थी बहुसंख्येने उपस्थित होते.
उच्च शिक्षणात अधिव्याख्याता पदासाठी आवश्यक असणारी नेट आणि सेट परीक्षेसाठी विद्यार्थ्यांना पहिला पेपर मध्ये येणाऱ्या अडचणी दूर करण्यासाठी श्री. तेजस कळंबटे यांनी गणितीय कौशल्यांवर प्रकाश टाकला तर श्रीमती अपूर्वा राणे यांनी उच्च शिक्षण स्वरूप, संरचना आणि बदल यावर प्रकाश टाकला.
कार्यशाळेच्या प्रारंभी महाविद्यालयाचे प्राचार्य डॉ. मकरंद साखळकर यांनी कार्यशाळेचे उद्घाटन केले आणि विद्यार्थ्यांना मार्गदर्शन केले. तर अर्थशास्त्र विभागप्रमुख डॉ.आर.ए. सरतापे यांनी प्रास्तविकात कार्यशाळेची भूमिका विषद केली. याप्रसंगी महाविद्यालयाचे प्रशासकीय उपप्राचार्य डॉ. सुरेंद्र ठाकूरदेसाई, अरुअप्पा जोशी स्पर्धा परीक्षा अकादमीतील मार्गदर्शक श्री. तेजस कळंबटे व्यासपीठावर उपस्थित होते.
कार्यशाळेच्या समारोप प्रसंगी कला शाखेच्या उपप्राचार्या प्रा. कल्पना आठल्ये यांनी दोन दिवशीय कार्यशाळेचा मागोवा घेऊन अशा कार्यशाळांची सातत्याने गरज असल्याचे सांगितले. यावेळी अलिशा कांबळे आणि प्रीती टिकेकर या प्रशिक्षनार्थीनी आपले मनोगत व्यक्त करताना कार्यशाळेचे महत्व अधोरेखित केले. पदव्युत्तर स्तरावरील सर्व प्राध्यापकांच्या सहकार्याने ही कार्यशाळा यशस्वीपणे संपन्न झाली.
Visitors Online : 0