एन.आय.आय.टी., मुंबई ही आय.सी.आय.सी.आय. बँकेची अधिकृत रिक्रुटमेंट पार्टनर एजेन्सी आणि गोगटे जोगळेकर महाविद्यालयाच्या करिअर गायडन्स आणि प्लेसमेंट सेल यांच्या संयुक्त विद्यमाने महाविद्यालयातील विद्यार्थ्यांकरिता गुरुवार दि. २७ एप्रिल २०२३ रोजी कॅपस इंटरव्ह्यूचे आयोजन करण्यात आले आहे. आय.सी.आय.सी.आय. बँकेतील ‘रिलेशनशिप मॅनेजर’ या पदांकरिता सदर मुलाखती होणार असून महाविद्यालयातून २०२१, २०२२ व २०२३ या वर्षामध्ये पदवी घेऊन उत्तीर्ण झालेले कोणत्याही विद्याशाखेतील विद्यार्थी-विद्यार्थिनी तसेच २०२२-२३ या शैक्षणिक वर्षामध्ये सहाव्या सत्राची परीक्षा देणारे विद्यार्थी या मुकाखातीकरिता सहभागी होऊ शकतात.
सदर मुलाखती डॉ. ज. शं. केळकर सेमिनार हॉल, मुख्य इमारत याठिकाणी सकाळी १० वाजता सुरु होतील. उमेदवारांनी मुलाखतीसाठी येताना सोबत बायो-डेटा, मूळ गुणपत्रे, फोटो, आधारकार्ड इ. कागदपत्रे आणावीत. जास्तीत जास्त विद्यार्थ्यांनी उपलब्ध संधीचा लाभ घ्यावा तसेच याविषयी अधिक माहितीसाठी समन्वयक डॉ. रुपेश सावंत; मोबा. ९४२११४२५२९ यांचेशी संपर्क साधावा असे आवाहन महाविद्यालयाचे प्राचार्य डॉ. पी. पी. कुलकर्णी यांनी केले आहे.