गोगटे जोगळेकर महाविद्यालयात पदवीदान समारंभाचे आयोजन करण्यात आले आहे. मुंबई विद्यापीठाच्या मार्च, २०२३ मध्ये घेण्यात आलेल्या परीक्षांमध्ये उत्तीर्ण झालेल्या विद्यार्थांच्या पदवीदान समारंभाचे आयोजन शुक्रवार दि. २६ एप्रिल, २०२४ रोजी सकाळी ११.०० वाजता करण्यात आले आहे. महाविद्यालयाच्या राधाबाई शेट्ये सभागृहात हा समारंभ संपन्न होणार असून, या पदवीदान समारंभात पदवी आणि पदव्युत्तर पदवी उत्तीर्ण विद्यार्थांना प्रातिनिधिक स्वरुपात विद्यापीठाची पदवी मान्यवरांच्या हस्ते समारंभपूर्वक प्रदान करण्यात येणार आहे.
तरी संबंधित विद्यार्थांनी या कार्यक्रमासाठी उपस्थित राहण्याचे आवाहन गोगटे जोगळेकर महाविद्यालयाचे प्राचार्य डॉ. मकरंद साखळकर यांनी केले आहे.