गोगेट जोगळेकर महाविद्यालय (स्वायत्त) संगणक शास्त्र विभागाच्यावतीने दि. २४ ऑगस्ट २०२४ रोजी राधाबाई शेट्ये सभागृहात “फिनिक्स २०२४” सॉफ्टवेअर डेव्हलपमेंट स्पर्धेचे आयोजन करण्यात आले होते. या स्पर्धेत प्रथम वर्ष विज्ञान, द्वितीय वर्ष विज्ञान, तृतीय वर्ष विज्ञान, एम.एस्सी.- भाग- १ आणि एम.एस्सी.- भाग- २ या शैक्षणिक स्तरांतील विद्यार्थ्यांनी सहभाग घेतला होता. स्पर्धेत सहभागी होण्यासाठी विद्यार्थ्यांची प्राथमिक फेरीत निवड करण्यात आली होती. या स्पर्धेत खालीलप्रमाणे विविध गट सहभागी झाले होते.
व्हिडिओ फिनिक्स गट– प्राथम वर्ष विज्ञान विद्यार्थ्यांसाठी आयोजित करण्यात आलेली स्पर्धा ज्यामध्ये विद्यार्थ्यांनी संगणक तंत्रज्ञानाशी संबंधित लघु व्हिडिओ तयार केले;
वेब फिनिक्स गट– द्वितीय वर्ष विज्ञान विद्यार्थ्यांसाठी आयोजित केलेली स्पर्धा ज्यात विद्यार्थ्यांनी विविध विषयांवर वेबसाइट्स विकसित केल्या;
ऍप फिनिक्स गट– तृतीय वर्ष विज्ञान विद्यार्थ्यांसाठी आयोजित केलेली स्पर्धा ज्यात विद्यार्थ्यांनी विविध क्षेत्रांतील मोबाइल ऍप्स विकसित केले;
रिसर्च फिनिक्स गट– एम.एस्सी.- भाग- १ आणि एम.एस्सी.- भाग- २ विद्यार्थ्यांसाठी आयोजित केलेली स्पर्धा ज्यात विद्यार्थ्यांनी संगणक विज्ञान क्षेत्रातील विविध विषयांवर संशोधन प्रबंध सादर केले.
संगणक विज्ञान विभागाने या संधीचा उपयोग विभागाच्या संशोधन पत्रिकेचे प्रकाशन करण्यासाठी केला, ज्यामध्ये विद्यार्थ्यांनी केलेल्या संशोधन प्रबंधांचा संग्रह आहे. प्रत्येक गटातील विजेत्यांना चषक आणि प्रमाणपत्रे देऊन सन्मानित करण्यात आले. स्पर्धेचे परीक्षण संगणक शास्त्र विभागाचे माजी विद्यार्थी आणि बॉलिवूड, हॉलिवूड तसेच जाहिरात उद्योगातील एक नामांकित व्यक्तिमत्त्व श्री. निखिलेश नारकर यांनी केले.
पुरस्कार वितरण समारंभात गोगटे जोगळेकर (स्वायत्त) महाविद्यालयाचे प्राचार्य डॉ. मकरंद साखळकर, प्रशासकीय उपप्राचार्य डॉ. पी. पी. कुलकर्णी, विज्ञान विभागाच्या उपप्राचार्या डॉ. अपर्णा कुलकर्णी, रत्नागिरी एज्युकेशन सोसायटीचे सहकार्यवाह प्रा. श्रीकांत दूदगीकर, माहिती तंत्रज्ञान आणि संगणकशास्त्र विभाग समन्वयक प्रा. अनुजा घरपूरे, आयटी विभागप्रमुख प्रा. मेधा सहस्रबुद्धे, आणि अभ्यंकर कुलकर्णी कनिष्ठ महाविद्यालयाचे उपप्राचार्य, प्रा. सुनील गोसावी हे मान्यवर उपस्थित होते. त्यांनी सर्व विद्यार्थ्यांच्या उत्कृष्ट कार्याचे कौतुक केले. या स्पर्धेचे विजेते पुढीलप्रमाणे आहेत-
व्हिडीओ फिनिक्स गट–
प्रथम क्रमांक यश पकये, आयुष बारगोडे;
द्वितीय क्रमांक कीर्ती कुवळेकर, मेघना गुरव;
तृतीय क्रमांक भूमी चिपळूणकर व रोशनी राडये;
वेब फिनिक्स गट–
प्रथम क्रमांक आर्य रिसबूड, तन्वी शिंदे;
द्वितीय क्रमांक तन्वी सुतार;
तृतीय क्रमांक माहिरा तांडेल व अलीना वस्ता;
ऍप फिनिक्स गट–
अफशा खान प्रथम क्रमांक;
हृतिक दुबे द्वितीय क्रमांक व
मुस्कान बंदरी तृतीय क्रमांक;
शोध फिनिक्स गट–
प्रथम सिद्धेश सुर्वे;
द्वितीय काईनाथ फोडकर;
तृतीय साईम वाडकर;
शोध लेखक गट–
काईनाथ फोडकर प्रथम क्रमांक;
सिद्धेश सुर्वे द्वितीय क्रमांक आणि
दिव्येश साळवी तृतीय क्रमांक.
कार्यक्रमाच्या यशस्वी पूर्णतेचे श्रेय संगणक शास्र विभागाचे प्रमुख प्रा. अमोल सहस्रबुद्धे आणि सर्व समर्पित शिक्षकांना देण्यात आले, ज्यांनी अथक परिश्रम केले. महाविद्यालयाच्या सर्व स्तरांवर संगणक शास्त्र विभागाचे कौतुक होत आहे.