गोगटे जोगळेकर महाविद्यालय (स्वायत्त), रत्नागिरी येथे १० जून २०२५ रोजी पुण्यातील क्विक हिल फाउंडेशनच्या कार्यालयात “सायबर शिक्षा फॉर सायबर सुरक्षा” मोहिमेसाठी क्लब स्थापना कार्यक्रम आयोजित करण्यात आला. सायबर सुरक्षा जागरूकता वाढवण्याच्या या उपक्रमात रत्नागिरी जिल्ह्यात मोहिमेचे नेतृत्व करण्यासाठी नवीन क्लब ऑफिसर्सची औपचारिक नियुक्ती करण्यात आली.
या कार्यक्रमात उत्साही आणि नेतृत्वगुण असलेल्या विद्यार्थ्यांची निवड करण्यात आली, ज्यात वैष्णवी शिरसाट (प्रेसिडेंट), वेदांग पाटणकर (मीडिया डायरेक्टर ), स्नेहा भिडे (सेक्रेटरी) आणि राज गुरव (अॅक्टिविटी डायरेक्टर) यांचा समावेश आहे. क्विक हिल फाउंडेशनच्या चेअरपर्सन श्रीमती अनुपमा काटकर, असोसिएट डायरेक्टर श्री. अजय शिर्के आणि महाविद्यालयाचे प्राध्यापक, प्रा. केतन जोगळेकर यांच्या उपस्थितीत हा क्लब इंस्टॉलेशन कार्यक्रम संपन्न झाला. या स्थापना समारंभात महाविद्यालयाच्या सायबर-सुरक्षित समुदाय निर्मितीच्या वचनबद्धतेवर प्रकाश टाकण्यात आला. या कार्यक्रमात नवनिर्वाचित अधिकाऱ्यांना कार्यशाळा, परिसंवाद आणि समुदाय जागरूकता कार्यक्रम आयोजित करण्याच्या त्यांच्या भूमिकेबाबत अभिमुखता सत्र आयोजित करण्यात आले होते.
महाविद्यालयाचे प्राचार्य डॉ मकरंद साखळकर यांनी नवनिर्वाचित क्लब ऑफिसर चे अभिनंदन केले. शास्त्र शाखेच्या उपप्राचार्या डॉ अपर्णा कुलकर्णी यांनी अभियानासाठी शुभेच्छा दिल्या आहेत.
 |
Visitors Online : 3